1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Mai magana da yawun Trump ta yi murabus

Ramatu Garba Baba
March 1, 2018

Wata mai magana da yawun shugaban kasar Amirka Hope Hicks ta sanar da yin murabus daga mukaminta, bayan da ta kamalla bayar da bahasi gaban hukumar da aka kafa kan binciken zargin Rasha a zaben shugaban kasa na 2016.

https://p.dw.com/p/2tUcC
Hope Hicks
Hoto: Reuters/C. Barria

Hicks mai shekaru ashirin da tara ta fidda sanarwar bayan barin mukaminta, inda a ciki ta godewa shugaba Trump kan damar da ya ba ta na yin aiki tare da shi. Ba ta yi karin bayani kan dalilan ta na barin aikin ba sai dai ta ce ta na cike da farin ciki kan rawar da ta taka a gwamnatin da Trump ke jagoranta.

Misis Hicks ta kasance daya daga cikin wadanda suka yi aiki kut-da-kut da shugaba Donald Trump tun daga lokacin yakin neman zabe da ta kasance mai magana da yawun shugaban da kuma ba shi shawarwari ya zuwa shugabar sashen yada labarai a fadar White House.