1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Likitoci sun shiga yaki da kaciyar mata

Ramatu Garba Baba
February 6, 2019

Likitoci a kasar Masar, za su yi anfani da ranar bikin yaki da al'adar yi wa mata kaciya a duniya, domin wayar da kanun iyaye alfanun kauracewa dadaddiyar al'adar da ke haifar da tarin matsaloli na lafiya ga mata.

https://p.dw.com/p/3CnGm
Stephanie Sinclair - Gewinnerin des Anja Niedringhauspreis 2017
Hoto: IWMF/Stephanie Sinclair

Daruruwan likitoci ne, suka shirya gangamin na wannan Laraba, za su gudanar da aikin tare da lika wani dan kyale mai ruwan bula a jikin duk wata jaririya da aka haifa a wannan rana,  wanda alama ce da ke nuna kyamar wannan daddadiyar al'ada a fafutukar da ake na son ganin bayanta.

Masar na a sahun gaba a cikin kasashen duniya da ake da yawan mata da suke fama da illoli a sanadiyar kaciyar. A shekarar 2008 aka haramtata a yayin da a shekarar 2016 aka amince da dokar hukunta duk wanda aka kama da laifin yi wa ya mace kaciyar a Masar. Har yanzu ana ci gaba da gudanar da wannan al'ada.