1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Masar ta soki Isra'ila kan dokar kasar Yahudawa

Yusuf Bala Nayaya
July 21, 2018

Kasar Masar ta bayyana a wannan Asabar cewa matakin da Isra'ila ta dauka na bayyana Isra'ila a matsayin kasar Yahudawa zalla baban kuskure ne kuma ta guji abin da zai biyo baya.

https://p.dw.com/p/31rUO
Ägypten Präsident Abdel Fattah al-Sisi
Hoto: picture-alliance/Zumapress/President Office

Kasar Masar dai ta kasance kasar Larabawa ta farko da ta kulla yarjejeniyar zaman lafiya da Isra'ila a shekarar 1979 matakin da ya kawo karshen shekaru da dama na zaman doya da manja tsakanin kasashen. A cewar ma'aikatar harkokin wajen Masar bayyana kasar Isra'ila a matsayin kasar Yahudawa zalla zai haifar da wariya da yin zagon kasa ga shirin zaman lafiya da ake son kullawa a kasar.