1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Mayakan IS sun halaka limami a Siriya

Yusuf BalaJanuary 8, 2015

Masu fafutuka da bindiga na IS sun fille kan wani malamin addinin Islama a Syriya saboda a cewarsu ya yi kalaman batanci ga mahalicci Allah (SWT).

https://p.dw.com/p/1EHbr
IS Kämpfer Archivbild 2013
Hoto: picture alliance/ZUMA Press/M. Dairieh

Da yammacin ranar Alhamis ne mayakan na IS suka sare kan wani limamin masallaci a garin Abu Khuyut a kusa da birnin Hasakeh a Arewa maso gabashin Siriya a cewar Kungiyar kare hakkin bil'Adama da ke sanya idanu kan rikicin kasar ta Siriya.

A cewar kungiyar mai sanya idanu da ke da sansani a Birtaniya uku daga cikin 'ya'yan malamin na daga cikin mayakan na kungiyar IS. Wannan kuma na zama karon farko da masu ikirarin jihadin sukan halaka wani malamin addini .