1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Najeriya za ta shiga yarjejeniyar ciniki maras shinge

Ramatu Garba Baba
July 3, 2019

Shugaba Muhammadu Buhari ya amince da ya sanya hannu a yarjejeniyar ciniki maras shinge ta Afirka bayan da aka yi ta kai ruwa rana a shirin da ake fatan zai kau da talauci a nahiyar.

https://p.dw.com/p/3LWVN
Wahl in Nigeria
Hoto: picture-alliance/NurPhoto

Kasar da ta fi karfin tattalin arziki a nahiyar ta Afirka a farko, ta nuna rashin gamsuwa kan yarjejeniyar ta African Continental Free Trade Agreement  AfCFTA sai dai bayan dogon nazari da ta ce ta yi da kwararru ne ta amince,  kamar yadda fadar gwamnatin ta wallafa a shafinta na twitter.

Ana sa ran shugaban zai sanya hannu a yarjejeniyar a yayin taron Kungiyar tarrayar Afirka karo na hamsin da biyar da zai gudana a birnin Yamai na jamhuriyar Nijar a karashen wannan makon. Ciniki maras shinge, acewar masana tattalin arziki, zai taimaka wajen fitar da kasashen nahiyar baki daya daga kangin talauci da ma kuma samun karfin fada a ji a tsarin hada-hadar kasuwanci a duniya.