Putin ya gargadi Ukraine kan kai hari

Shugaban Rasha Vladmir Putin ya ce Moscow za ta maida kakkausan martani ga kasar Ukraine in har dakarunta suka kai hari kan 'yan aware a gabashin kasar a lokacin wasannin cin kofin duniya na kwallon kafa.

Duk da alwashin da ya sha na maida martani, shugaban na Rasha ya ce ya na fatan ba za a kai ga yin hakan ba amma kuma idan Ukraine ta kuskura ta kai hari a gabashin Rasha din to fa za ta dandana kudarta. Putin din na wadannan kalaman ne lokacin da ya ke amsa tambayoyin 'yan kasar a wani shiri na wayar tarho da aka haska a gidajen talabijin din kasar inda mai tambayar wanda dan aware ne daga yankin Donetsk ya bukaci sanin matakin da zai dauka in har aka kai hari a lokacin wasannin na kwallon kafa na duniya wanda za a fara a kasar a makon gobe.

Bayanai masu kama

Rahotanni masu dangantaka