Rikicin jam'iyyar PDP ya ki ci ya ki cinyewa

Tun bayan da jam'iyyar PDP ta sha kaye a babban zabe da ya gudana a bara, har yanzu jam'iyar da ta shafe shekaru 16 tana shugabancin Najeriya ta gaza dai-daita rikicin cikin gida da ya mamaye ta.

Tun bayan murabus din tsohon shugaban jam'iyyar Adamu Mu'azu, Sen. Ali Modu Sheriff da Sen. Ahmed Makarfi ke ta ja in ja a kan wanda zai dare kan kujerar shugabancin jam'iyyar.