1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Samamen 'yan sanda a Jamus

Lateefa Mustapha Ja'afar
February 1, 2017

Jami'an tsaro a Jamus sun cafke wani dan asalin kasar Tunusiya da ake zargi da saka mutane cikin kungiyar 'yan ta'addan IS.

https://p.dw.com/p/2Wn6J
Samamen 'yan sanda a Jamus
Samamen 'yan sanda a JamusHoto: Getty Images/T. Lohnes

Mai kimanin shekaru 36 a duniya, jami'an tsaron sun cafke shi ne a tsakiyar kasar ta Jamus da sanyin safiyar wannan Laraba. Babban mai shigar da kara na birnin Frankfurt cibiyar bankuna nahiyar Turair, Alexander Badle ya nunar da cewa, an cafke mutumin ne yayin wasu samame har 45 da aka kai wasu gidaje da guraren kasuwanci da kuma wasu masallatai biyu a jihar Hasse, kana an kama wasu da ake zargi har mutum 16 da shekarunsu suka kama daga 16 zuwa 46 kuma ana gudanar da bincike a kansu.