Shugaba Buhari ya bukaci sojoji su jajirce

A matakin karfafa gwiwa ga sojojin Najeriya da ke yaki da Boko Haram a yankin arewa maso gabashin kasar shugaba Muhammadu Buhari ya ziyarci sojojin a Maiduguri inda ya bukaci su jajirce wajen yaki da'yan Boko Haram.

Shugaban Najeriya Muhammadu Buhari ya bukaci sojojin kasar su jajirce wajen yaki da Boko Haram duk da rashin takwarorinsu da suka yi a harin da 'yan Boko haram suka kai musu a baya bayannan.


Shugaban ya kai ziyara Maiduguri a arewa maso gabashin kasar inda ya gana da sojojin tare da jajanta musu da kuma karfafa musu gwiwa yana mai yaba kwazo da sadaukarwar sojojin wajen kare al'ummar kasa da cigabanta.


Ziyarar na zuwa ne kwana daya gabanin shugaban na Najeriya ya nufi Ndjamena domin tattaunawa da takwaransa na Chadi shugaba Idris Deby game da yaki da 'yan kungiyar Boko Haram.

Bayanai masu kama

Rahotanni masu dangantaka