1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Shugaba Rohani ya lashe zaben Iran

Yusuf Bala Nayaya
May 20, 2017

Mutane miliyan 56 ne dai a kasar ta Iran suka cancanci kada kuri'a a zaben da ake kallo a matsayin zakaran gwajin dafi ga ci gaban gwamnatin shugaba Rohani mai ra'ayin kawo sauyi.

https://p.dw.com/p/2dHLf
Iran Präsident Hassan Rowhani PK
Hoto: picture-alliance/dpa

Shugaba mai ci a gwamnatin kasar Iran ya lashe zaben kasar bayan samun yawan kuri'u da suka kasance kashi 58 cikin dari a sakamakon zaben kamar yadda ma'aikatar da ke lura da harkokin cikin gida ta bayyana. Shugaba Rohani mai ra'ayin sauyi dan shekaru 68 da ya jagoranci shirin nukiliyar Iran da ya samu amintar kasashen yammancin duniya. Babban dan adawa da ya fuskanci Rohani dai cikin 'yan takara hudu na zama Ebrahim Raisi mai ra'ayin mazan jiya malami kuma lauya.