1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Shugabannin Afirka za su tattauna batun Boko Haram

Abdourahamane HassaneApril 8, 2015

Shugabanin ƙasashen yankin yammaci da na tsakiya na Afirka za su tattauna a birnin Malabo na Equatorial Guinea.

https://p.dw.com/p/1F3yE
Malabo Gipfel Afrikanische Union Sisi Rede 26.06.2014
Hoto: Reuters

Taron wanda aka shirya zai samu halartar shugabannin daga ƙasashen Nijar da Kamaru a Chadi da Najeriya, na da manufar ƙaddamar da wani tsarin na bai ɗaya na haɗin gwiwa tsakanin ƙasashen.

Domin yaƙi da Ƙungiyar Boko Haram wacce ke kai hare-hare na ta'addanci a cikin ƙasashen Najeriyar da Nijar da Kamaru da kuma Chadi. A wani rahoton da ta bayyana Majalisar Ɗinkin Duniya ta ce tashin hankali na Boko Haram a cikin shekaru shida ya yi sanadiyyar mutuwar mutane dubu 15 a Najeriyar.