Taron dangi a yaki da sauyin yanayi
September 24, 2014Talla
Shugabannin kasashen duniya da ke halartan taron kare mahalli na MDD a birnin New York na kasar Amirka, sun bukaci a fadada aiki da makamashin da ake sabontawa, kana suka amince da ware biliyoyin dalar Amirka domin tallafawa kasashe masu tasowa, don rage dumamar yanayi. Taron kolin wanda sakatare janar na MDD Ban Ki-moon ya shirya, an tsara shi don cimma buri nan da shekara ta 2030. Matakan da ake son cimma sun hada da rage sare dazuka kana da habaka samar da abinci. Shugabannin kasashen duniya sama da 120 suka halarci taron.