Trump na son Rasha ta daina taimakon Siriya

A nata bangaren ma, gwamnatin Turkiyya ta nemi Rashan da ta janye goyon bayanta inda ta bayyana damuwa kan rincabewar rikicin yankin na Idlib. Rikicin na baya-bayan da ya yi sanadiyar rasuwar mutane da dama kana ya tilasta wa mutum kusan dubu dari takwas tserewa daga gidajensu, a kaura mafi muni tun bayan barkewar yakin basasa a kasar. 

Dakarun gwamnatin Siriya na kokarin sake kame yankin na Idlib ne da zummar karbe ikonsa daga hannun babbar kungiyar masu tayar da kayar baya da ke da alaka da kungiyar al-Qaeda.