1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Trump zai dakatar da manhajar TikTok a Amirka

Zaharaddeen Umar
August 1, 2020

Shugaban Amirka Donald Trump ya ce zai dakatar da amfani da manhajar TikTok da matasa ke amfani da ita wurin yin barkwanci da hira ta bidiyo.

https://p.dw.com/p/3gG7R
US-Präsident Donald Trump
Hoto: picture-alliance/AP Photo/E. Vucci

 A cikin karshen makon nan ne dai ake sa ran shugaban zai sanya hannu a kan dokar da ta haramta amfani da TikTok din.

''Muna nazari a kan Tiktok, akwai yiwuwar za mu dode shi, za mu duba yiwuwar amfani da wani abin na daban, domin abubuwa da dama suna gudana, amma dai lallai muna duba abin da za mu iya sauya wa da TikTok.'' inji Donald Trump

Gwamnatin Amirka dai ta ce kwararru sun tabbatar mata cewa kasar China wadda ta sarrafa manhajar TikTok din za ta iya amfani da damar wurin leken asiri ga a Amirka.