1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Tunisiya ta katse hanzarin 'yan ta'adda

October 20, 2014

Humomin kasar Tunisiya sun bayyana dakile hare-hare masu nasaba da ta'addanci

https://p.dw.com/p/1DYue
Hoto: Imago

Mahukuntan kasar Tunisiya sun bayyana dakile hare-haren tsageru kan jami'an diplomasiya da harkokin tattalin arzikin kasar, a makonnin da suka gabata.

A wannan Litinin ministan harkokin cikin gida Lotfi Ben Jeddou ya ce 'yan ta'addan sun yi yunkurin kai hare-haren bama-bamai da motoci, kan jakadun kasashen ketere, da wasu kamfanoni amma jami'an tsaro suka dakile, sai dai jami'in bai yi karin haske ba. Tuni ma'aikatar cikin gidan ta ce za a jibge jami'an tsaro kimanin 46,000, domin tabbatar da doka da oda, yayin zaben mako mai zuwa a kasar ta Tunisiya da ke yankin arewacin Afirka.

Mawallafi: Suleiman Babayo
Edita: Pinado Abdu Waba