1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

An cafke wasu da ake zargin 'yan kungiyar IS ne a Turkiya

Lateefa Mustapha Ja'afarJuly 10, 2015

Mahukuntan kasar Turkiya sun sanar da tsare wasu mutane 21 da suka hadar da 'yan kasashen ketare uku da suke zargin 'yan kungiyar ta'addan IS ne.

https://p.dw.com/p/1Fwd8
Hoto: AFP/Getty Images/O. Kose

Ana zargin mutanen da 'yan sandan suka cafke da sanyin safiyar yau yayin wani samame da suka kai a birnin Istanbul da gundumar Sanliurfa da ke kusa da kan iyakar kasar da Siriya da kudancin gundumar Mersin da kuma gundumar Kocaeli da ke gabashin birnin Istanbul, da taimakawa kungiyar ta IS wajen samun sababbin mambobi da suke hurewa kunne daga kasashen Turai. Rahotanni sun tabbatar da cewa 'yan kasashen wajen da aka kama cikin mutanen 21 da ba a riga an bayyana daga inda suka fito ba, an cafke su ne a yayin da suke kokarin tsallakawa kasar Siriya daga Turkiyan.