1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Yaki da ayyukan ta'addanci a kasar Jamus

May 6, 2015

Jami'an tsaron kasar Jamus sun cafke wasu mutane hudu da ake zargin zasu kai wasu hare-hare ga Musulmai da kuma matsugunnan 'yan gudun hijira a nan Jamus.

https://p.dw.com/p/1FL02
Symbolbild Polizei Verhaftung Sondereinsatzkommando Deutschland Anti Terror
Hoto: picture-alliance/dpa/B. Roessler

A 'yan watannin baya-bayannan dai dama an yi ta kaiwa 'yan gudun hijirar hare-hare sai dai ba tare da an samu asarar rayuka ba. A yammacin ranar Talata ma dai an kona wani gida da aka tanada domin zaunar da 'yan gudun hijira a birnin Limburgerhof dake yammacin Jamus, yayin da irin haka ta faru a wani gidan na 'yan gudun hijira a farkon watan Afrilu a birnin Trögliz dake gabashin kasar. Mutanen dai da aka kama sun hada da maza uku da mace guda, kuma dukanninsu Jamusawa 'yan shekaru daga 22 zuwa 56 a cewar wata sanarwar da ofishin babban mai shigar da kara na gwamnatin ta Jamus ya fitar.

Mawallafi: Salissou Boukari
Edita : Umaru Aliyu