Za a kafa gwamnati a Sudan ta Kudu

Bayan wata ganawar kwanaki biyu da suka yi a Juba babban birnin kasar ne dai Shugaba Kiir da jagoran na tawaye Riek Machar suka cimma wanna matsaya.

A cewarsu za su kafa gwamnatin ne a ranar 12 ga watan Nuwambar bana, baya ga wasu batutuwan da baki ya zo daya a kansu.

Daga cikin batutuwan dai har da tsarin gudanar da tsaron kasar da batutuwa da suka shafi iyakoki sai kuma adadin jihohin da za su kasance a Sudan ta Kudun a nan gaba.

Kasar wacce ita ce jaririyar kasa yanzu a duniya, an same ta ne a shekara ta 2011.