1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Zaben Amirka: Fargabar Magudi

Abdul-raheem HassanAugust 2, 2016

Dan takarar jam'iyyar Republican Donal Trump ya bayyana abokiyar takararsa Hillary Clinton a matsayin "shedaniya" inda ya ke fargabar a tabka magudi a babban zaben Amirka da ke tafe.

https://p.dw.com/p/1JaL1
USA Trump PK in Miami
Hoto: Reuters/C. Allegri

Dan takarar shugabancin Amirka a karkashin jam'iyyar Republican Donal Trump ya bayyana fargabar afkuwar magudi a babban zaben da zai gudana a watan Nuwamba. Trump ya kuma bayyana abokiyar takararsa, Hillary Clinton da Sanata Berni Sanders a matsayin "shedanu". Trump ya bayyana wadannan kalamai ne a bainar magoya bayansa yayin gudanar da gangamin yakin neman zabe a Clombus.

To sai dai dan takarar bai gabatar da kwararran hujjoji a kan zargin da yake ganin zaben zai fuskanci tangarda na aringizon kuri'u ba, to sai dai wasu sanatoci masu ra'ayin mazan jiya a jam'yyar ta Rebublican sun soki lamirin dan takarar Donal Trump a kan martanin da yayi wa iyalan Sojan nan dan Amirka da ya rasa ransa a fagen dagga a Iraki shekaru 17 da suka gabata.