1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Zanga zangar Pakistan ta zama rikici

January 15, 2013

'Yan sandan kasar Pakistan sun yi amfani da hayaki mai saka hawaye, kan dubban masu zanga zanga da ke neman kawo karshen cin hanci da rashawa

https://p.dw.com/p/17K2k
Supporters of Tahir ul Qadri, a prominent religious scholar, listen to his speech during a sit-in protest in Islamabad, Pakistan, 15 January 2013. Thousands of supporters of Tahir ul Qadri, who started his march from the eastern city of Lahore on 13 January, reached Islamabad on 15 January, to demand political reforms. Tahir ul Qadri, wants authorities to implement election reforms ahead of a parliamentary vote which should be held within 60 days after the term of the current assembly expires in March 2013. EPA/T. MUGHAL +++(c)
Hoto: picture-alliance/dpa

'Yan sandan kasar Pakistan sun yi amfani da hayaki mai saka hawaye, kan masu zanga zanga, kuma anji karar bindigogi, yayin da masu zanga zangar da ke kifan 'yan sandan da duwatsu, su ka yi yunkurin isa majalisar dokoki a wannan Talata.

Wani malamin dan kasar mai takardun zaman Canada, Tahir-ul Qadri ya shirya gagarumar zanga zangar ta kwanaki biyu zuwa Islamabad babban birnin kasar, domin neman gudanar da sauye sauye da su ka hada da kafa gwamnatin rikon kwarya, domin gudanar da zabe mai zuwa, tare da kuma ganin an kawar da matsalar cin hanci da rashawa.

Kamafanin dillancin labaran Faransa na AFP, ya ce babu tabbacin wanda ya fara janyo hargitsin.

Mawallafi: Suleiman Babayo
Edita: Umaru Aliyu