1. Прескокни до содржината
  2. Прескокни до главната навигација
  3. Кон други страници на DW

Се бара притвор за пет лица за „крвавиот четврток“ 

20 февруари 2019

Обвинителството гони пет лица како организатори на крвавиот упад во Собранието на 27 април 2017. Меѓу нив е и експремиерот Груевски, како и избеганиот разузнавач Никола Бошкоски

https://p.dw.com/p/3Dkf4
Mazedonien Proteste im Parlament
Фотографија: Reuters/O. Teofilovski

Основното јавно обвинителство за гонење на организиран криминал и корупција до Кривичниот суд доставило наредба за притвор на пет лица, осомничени за организирање на настаните од 27-ми април 2017 година, дознаваме од извори во истрагата. 
Официјално нема податоци за кои лица се бара притвор, а се очекува официјално соопштение. Но, според неофицијални информации, две од лицата за кои се бара притвор се надвор од државата. Се претпоставува дека станува збор за поранешниот премиер Никола Груевски и за поранешниот вработен во УБК, Никола Бошкоски, кој повеќе од една година е во Грција. 
Под сомнение за наводна вмешаност во организацијата на насилствата од „крвавиот четврток“ медиуми веќе објавија дека попладнево веќе бил приведен поранешниот претседател на Собранието, Трајко Вељаноски, а по него и ексминистерот за транспорт Миле Јанакиески, како и ексминистерот за труд во владата на ВМРО-ДПМНЕ, Спиро Ристовски. 
Дел од лицата кои ги бара обвинителството беа посочени во сведочењето на Александар Василевски-Нинџа пред судот. 

Mazedonien | Neuer Parlamentspräsident kann Amt nicht antreten | Ex-Parlamentspräsident Veljanovski
Поранешниот собраниски спикер Трајко Вељаноски е меѓу обвинетите како организатор на упадот од 27 априлФотографија: picture-alliance/AP Photo/B. Grdanoski
Прескокни го блокот Повеќе на оваа тема

Повеќе на оваа тема

Покажи повеќе написи