Автомобилско шоу во Детроит
Растечката економија, ниските цени на горивото и намалените камати можат да водат кон нов рекорд во продажба на годинешниот Меѓународен саем во Детроит. Но, германските концерни и натаму се опоравуваат од „дизелгејт“.
Автомобилскиот град ноќе
Добар почеток на годината за американските авто-производители на саемот (од 11 до 24 јануари) во автомобилскиот град: американската економија повторно расте, а по Кина тоа е вториот најголем пазар за автомобили.
Кросовер СУВ
Новиот теренец на брендот Бјуик на Џенерал Моторс ќе биде произведуван во Кина а продаван во САД. Германскиот автомобилски институт очекува годинава во САД да бидат продадени околу 18 милиони нови возила и теренци. По продажбата на 17,5 милиони минатата година, тоа ќе биде нов рекорд, иако со забавено темпо.
Футуристички дизајн
Футуристички е само еден збор со кој може да се опише внатрешниот дизајн на овој автомобил. Повеќе речиси и да нема граница меѓу автомобилите и забавата. Детроит, како прв голем саем во годината го определува тонот на она што е „ин“. Потоа, најновите трендови се појавуваат на Електронското шоу во Лас Вегас неколку дена подоцна.
Нешто за секој ден
На саемот е изложен и најновиот модел на Форд Фјужн- кој се продава како Мондео во Европа. Некогаш главен носител на автомобилската индустрија од Детроит, денес на овој модел му недостасува јачина, но и еколошки и безбедносни стандарди кои станаа вообичаени во индустријата.
Подготвен за тркачката патека
Шевролет Корвет се уште е олицетворение на американскиот автомобилски сон: мотор со зафатнина од 6,2 литри, 450 коњски сили и V8 мотор. Од 1950-те Корветата е американскиот одговор на славните спортски возила произведени во Европа.
Новитети
Германците секогаш се обидуваат да го привлечат вниманието во Детроит со новитети. Мерцедес ја претстави својата нова Е-класа, со суптилно изменет дизајн и нова електроника. По „спортски хибрид“, како што е познат во индустријата, се уште не е до крај усовршен.
Враќање во иднината
Германските производители сакаат да ја повратат разнишаната репутација на дизел-технологијата на саемот во Детроит. „Се работи за враќање на довербата на потрошувачите во Северна Америка“, вели претседателот на автомобилското здружение ВДА, Матијас Висман.
Извинување на „грешникот“
Токму во САД беше откриен скандалот со емисиите на издувни гасови на Фолксваген. Оттогаш под прашање се доведени дизел моторите во целиот свет. Првиот човек на Фолксваген Матијас Милер се обидува да ја врати довербата. „Секако дека ги отвораме сите карти кога разговараме со американските власти“.