Амнести интернешнла за полициската акција во Македонија

Меѓународната организација за човекови права Амнести интернешенал побара детална истрага за полициската операција во близината на Тетово, во која беа убиени шест лица. „Со оглед на политичките тензии во парламентот меѓу етничките албански и македонските партии, меѓу другото и поради имплементацијата на Охридскиот договор, настаните од 7. ноември можат да доведат до ситуација во која постои ризик за кршење на човековите права„ – се вели во писмената изјава на директорот на Амнести за Европа, Никола Дакворт. Во неа уште се вели дека македонските власти имале обврска да ги уапсат криминалните бегалци и да го заштитат населението, но тоа треба да биде сторено без прекумерна употреба на сила и без доведување во опасност на животот на цивилното население.