Атентаторот од Истанбул признал вина

Осомничениот напаѓач на клубот „Реина“ во Истанбул ја признал вината, соопшти изутринава истанбулскиот гувернер. Тој беше уапсен ноќеска. Во нападот во новогодишната ноќ беа убиени 39 луѓе.

По нешто повеќе од две недели по нападот во клубот „Реина“, осомничениот напаѓач Абдулгадир Масхарипов, е фатен во истанбулскиот кварт Есенјурт, јавуваат турските медиуми. Тој таму престојувал заедно со својот четиригодишен син.

Во заедничката акција на полицијата и турската тајна служба, според извештај на турската телевизија, уапсени се и три жени и маж по потекло од Киргистан. Осомничениот за нападот, според гувернерот на Истанбул Васип Сахин, е лице од Узбекистан. Тој наводно припаѓа на централноазиска ќелија на „Исламска држава“. Сахин го соопшти и идентитетот на напаѓачот, иако претходно од турската влада доаѓаа информации дека идентитетот на уапсениот е познат, но нема да биде објавен.

Now live
01:01 минути
Сите содржини | 17.01.2017

Уапсен атентаторот од Истанбул

Турските медиуми оценуваат дека апсењето е апсолутен успех, меѓу другото и затоа што осомничениот е фатен жив. Приватната новинска агенција Доган објави, според сопствени наводи, прва фотографија од уапсениот. На нејзе се гледа повреден маж, со темна боја на коса во крвава сива маица, кого некој го држи за вратот. НТВ јави дека осомничениот пружал отпор при апсењето. Весникот „Хуриет“ извести дека осомничениот прво ќе биде подложен на лекарски преглед, а потоа ќе биде сослушан во полиција.

Напаѓачот упадна во познатиот истанбулски клуб „Реина“ во новогодишната ноќ и отвори оган врз присутните. Притоа беа убиени 39 лица, од кои 26-мина странци. Десетици други се повредени. Напаѓачот успеа да избега.„Исламска држава“ презеде одговорност за нападот и соопшти дека тој е одмазда за турскиот воен ангажман во Сирија.

Што всушност претставува „Исламска држава“?

Што е „Исламска држава“?

Се смета дека „Исламска држава“ е фракција од терористичката организација Ал Каеда, т.е. сунитска милитантна група, за која се верува дека е формирана како одговор на недовербата и фрустрациите од неуспешното владеење на владите во Сирија и Ирак. На нивното знаме пишува „Мухамед е пророкот на Бог“ и „Нема друг бог освен Алах“ - фрази со кои се согласуваат сите муслимани, не само „ИД“.

Што всушност претставува „Исламска држава“?

Каде е активна „Исламска држава“

Целта на „Исламска држава“ е формирање на „калифат“ - држава каде се почитуваат традиционалните вредности на исламот и шеријатското право. Поради нестабилноста на регионите во Сирија и Ирак, „Исламска држава“ успеа да освои и да стави под своја контрола тероитории во двете држави.

Што всушност претставува „Исламска држава“?

Што ја прави „Исламска држава“ различна?

Клучна разлика е бруталноста на „Исламска држава“ со која се влева страв кај противниците и цивилите - преку егзекуцијата со обезглавување и бруталното насилство. Лидерите на „ИД“ велат дека владеат со регионите кои ги освојуваат. Експертот за Средниот Исток, Шади Хамид за ПБС изјави: „Тие нудат социјални услуги. Управуваат со локалната власт. Обезбедуваат минимално ниво на право и поредок“.

Што всушност претставува „Исламска држава“?

„ИД“ во однос на останатите терористички организации?

„ИД“ е активна во Сирија и Ирак, но нигериската терористичка организација Боко Харам неодамна ја изрази својата поддршка. Тоа е како натпревар во суровост: додека Боко Харам е одговорна за 13.000 смртни случаи, „ИД“ е одговорна за најмалку 24.000 повредени или убиени. Ал Каеда се дистанцираше од „ИД“, а една од нејзините фракции наречена Нусра Фронт се бори против „ИД“.

Што всушност претставува „Исламска држава“?

Кои се следбениците на „Исламска држава“?

Нешто по кое се разликува „ИД“ се нејзините следбеници. Повеќе од 20.000 странски борци се придружија на групата, од кои повеќе од 4.000 доаѓаат од западна Европа и северна Америка. На сликата се прикажани државите од каде што потекнувааат најголемиот дел на борците. Најголем број борци - споредено со вкупниот број на жители на земјите, доаѓаат од мали земји како Шведска и Белгија.

Што всушност претставува „Исламска држава“?

Што преземаат западните влади против „Исламска држава“?

Од август 2014 година, коалиција предводена од САД спроведува воздушни напади против цели на „ИД“ во Сирија (1.422 напади) и Ирак (2.242 напади). Некои влади исто така беа активни во рамките на нивните држави: Германија ќе процесуира најмалку 30 осомничени милитанти кои се вратиле од Сирија, додека Саудиска Арабија уапси 93 осомничени милитанти во април 2015 година.

Следете нѐ