1. Прескокни до содржината
  2. Прескокни до главната навигација
  3. Кон други страници на DW

Атина е бесна на Меркел

Е.М.Фиданоска /дв/дпа19 мај 2012

Грчката влада тврди дека канцеларката Ангела Меркел предложила референдум за останување на Грција во еврозоната. Берлин тоа остро го демантира.

https://p.dw.com/p/14ydL
Фотографија: picture-alliance/dpa

Наводниот предлог на германската канцеларка Ангела Меркел за грчки референдум околу останување во еврозоната предизвика голема возбуда во Атина. Канцеларијата на грчкиот преоден премиер Панајотис Пикраменос соопшти дека Меркел предложила грчките избирачи на 17 јуни, паралелено со гласањето за новиот парламент, да се изјаснат и околу еврото. Грчките партии реагираа со огорченост на соопштението на нивната влада. Конзервативната Неа Демократија ја обвини Меркел дека нема доволно сензибилност. „На грчкиот народ не му е потребен рефeрендум за да докаже дека сака да остане во еврозоната. Грчкиот народ, меѓутоа, заслужува почит од своите партнери. Денешниот предлог на госпоѓа Меркел, среде кампања, е неприфатлив. Таа му се обраќа на грчкиот народ во погрешен момент со погрешна информација“.

Социјалистичкиот ПАСОК соопшти дека референдуми се исклучиво „во надлежност на грчката влада и парламентот, а не се во надлежност на ЕУ или владите на одделни држави“. „Нема причина за рeферендум“, соопшти канцеларијатана шефот на ПАСОК, Евангелос Венизелос.

Symbolbild Montage Angela Merkel Flagge Griechenland EU-Hilfen FInanzkrise
Канцеларката Меркел не дала таков предлог, се тврди во Берлин

Комунистичката партија го нарече наводниот предлог на Меркел „уцена“.

Официјален Берлин веднаш демантираше дека германската канцеларка дала таков предлог. „Остро го демантираме тоа“, изјави портпаролот на владата Георг Штрајтер. Меркел досега, неколку пати јавно се изјасни против референдум во Грција. Грчкиот премиер Папандреу во ноември 2011 година предложи рефeрендум за еврото, но тоа наиде на голем отпор, меѓу другите и во Париз и Берлин.