Барозо – ЕУ – Берлинска декларација

Шефот на Европската комисија Жозе Мануел Барозо денеска изрази надеж дека дебатата за иднината на ЕУ ќе влезе во нова, поделотворна фаза со усвојувањето на Берлинската декларација идниот викенд. Повод е 50-годишнината од потпишувањето на Римската спогодба, што се смета за камен темелник на ЕУ. Барозо очекува Декларацијата од Берлин да внесе нова динамика во однос на институтционалните реформи. Што се однесува до европскиот устав, шефот на Европската комисија бара да се запази договорот, според кој овој темелен јазол треба да се разреши во текот на идната година, зашто во 2009-та Европа ја очекуваат избори за Европскиот парламент.