1. Прескокни до содржината
  2. Прескокни до главната навигација
  3. Кон други страници на DW
Конфликти

Нова крвава трага на теророт во Европа

Кристијан Валц
18 август 2017

Лондон, Париз, Брисел, Берлин, Манчестер- а сега и Барселона. Европските метрополи во изминатите години секогаш одново се на нишанот на исламистичките терористи.

https://p.dw.com/p/2iRec
Spanien Barcelona Lieferwagen fährt in Menschenmenge
Фотографија: Getty Images/AFP/J. Lago

Август 2017 , Барселона

На омилениот туристички булевар Ла Рамбла, комбе влета во толпата луѓе. Најмалку 13 лица загинаа а повеќе од 100 се повредени во овој напад за кој одговорноста ја презеде Исламска држава.

Јуни 2017, Лондон

Според полициските извештаи, комбе доцна вечерта на Лондонскиот мост влета во група пешаци, а потоа продолжи во населбата Борор маркет. Тука тројцата напаѓачи со ножеви убија седум луѓе а повредија десетици.

Мај 2017, Манчестер

UK | Trauerbekundungen nach dem Anschlag in Manchester
Фотографија: picture-alliance/empics/D. Lawson

По поп-концертот на американската пејачка Аријана Гранде, Салман Абеди активираше експлозивна направа. Притоа загинаа 23 лица а повредени беа преку 120. Меѓу загинатите имаше и многу деца- најмладите меѓу нив имаа само осум години. Ова беше најтежок напад во Велика британија по оној во 2005 година.

Април 2017, Стокхолм

Во шопинг улицата во главниот град на Шведска напаѓач со украден камион удри најнапред во толпа луѓе, а потоа и во трговски центар. Пет лица го загубија животот, а 15 се повредени. Уште истиот ден, полицијата уапси 39-годишен Узбекистанец под сомнение за тероризам.

Март 2017, Лондон

Напаѓач со автомобил намерно заврте на пешачка зона на мост во центарот на Лондон, по што избоде еден полицаец. Четири лица им подлегнаа на повредите. Британските безбедносни сили го убија сторителот.

Февруари-март 2017, Париз

На францускиот аеродром Орли човек се обидува да го одземе оружјето од рацете на војник во патрола. Потоа е убиен. На почетокот на февруари, Египќанец кој со мачета нападна полициска патрола, е усмртен во близина на музејот Лувр.

Декември 2016, Берлин

Главниот град на Германија кусо пред Божиќ стана цел на терористички напад. Член на терористичката милиција Исламска држава (ИД) уби 12 лица удирајќи со украден камион среде божикен пазар. Неколку дена потоа, 24-годишниот Тунежанец е убиен во близината на Милано при полициска контрола.

Јули 2016, Ница

Deutschland Neun Tote und viele Verletzte auf Berliner Weihnachtsmarkt
Фотографија: picture-alliance/dpa/P. Zinken

Атентатор со камион влета во насобраните луѓе на шеталиштето во францускиот пристанишен град. Загинаа најмалку 86 лица. По нападот ИД преку своја објава на страницата „Амак“ ја презеде одговорноста за ова злосторство

Март 2016, Брисел

Исламистички атентатори со повеќе бомби усмртија 32 лица на меѓународниот аеродром и во метро станица во белгискиот главен град.

 Јануари 2016, Истанбул

Напаѓач самоубиец од ИД уби 12 лица во историскиот центар на турската метропола, разнесувајќи се со бомба среде туристичка група.

Ноември 2015, Париз

Во координирана серија напади во главниот град на Франција, членови на ИД во повеќе ресторани и во клубот „Батаклан“ убија 130 лица, а стотици беа ранети.

Февруари 2015, Копенхаген

Во главниот град на Данска 22-годишно момче со арапско потекло пука во едно кафуле. Еден човек е убиен. Атентаторот го уби чуварот на синагогата, по што е смртно застрелан во полициска потера.

Terroranschlag Trauer
Фотографија: picture-alliance/Pixsell/S. Strukic

Јануари 2015, Париз

При нападот на францускиот сатиричен магазин „Шарли Ебдо“ и на еден кошер супермаркет загинаа 17 лица. Двајцата напаѓачи се убиени во полициска акција. Одговорноста за нападите ја презеде терористичката организација Ал Каеда.

Мај 2014, Брисел

Француски исламист уби 4 лица во Еврејскиот музеј. Кусо потоа е уапсен. Како самонаречен „божји борец“ пред нападот се борел во Сирија.

Јули 2005, Лондон

Четворица муслимани со британски пасош со експлозивни направи во метро станица убија 56 лица, а 700 беа повредени.

Март 2004, Мадрид

Во патнички регионален воз во шпанскиот главен град во исламистички мотивиран бомбашки напад се убиени 191 лице, а 1500 се ранети.