Бериша: Белград не отстапува од доктрината за голема Србија

Албанскиот премиер Сали Бериша ги обвини властите во Белград дека не отстапуваат од доктрината за голема Србија, којашто ја започнал екс диктаторот Слободан Милошевиќ. Тој во интервју за „Гласот на Америка“, нагласил дека српскиот претседател и премиер, Тадиќ и Коштуница не се закануваат со употреба на војска, но ги застапуваат истите опции за голема Србија. Според Бериша тоа се огледува во нивното спротивставување на меѓународниот план за независно Косово. Според Бериша одлагањето на решението за косовскиот статус создава опасности.