Берлин нема директен контакт со авганистанските грабнувачи

Германската влада нема директен контакт со грабнувачите на градежниот инжинер во Авганистан, соопшти државниот секретар во министерството за надворешни работи Гернот Ерлер. Се уште е нејасна судбината на киднапираниот по истекот на неколку ултиматуми и најавите за негово скоро ослободување. Германија се потпира на преговорите водени од авганистанската влада, која има контакт со киднаперите. Соопштено е дека преговорите биле потешки отколку во други случаи.