Битка за датум на самитот во Берлин

Заев пред еден месец веќе побара од Меркел поддршка во врска со одлуката за почеток на преговорите со Северна Македонија, која треба да ја донесе Советот на ЕУ во јуни. Во Берлин тој ќе се сретне и со Макрон.

Премиерот Зоран Заев денеска во Берлин ќе се сретне со францускиот претседател Емануел Макрон и со германската канцеларка Ангела Меркел, во рамките на конференција за Западен Бакан, чии покровители се Франција и Германија. Средбата се смета за значајна, имајќи предвид дека Македонија е во очекување во јуни да ги почне преговорите со ЕУ по успешно решениот тридецениски спор за името со Грција. Неодамна, на 3-ти април, Заев имаше телефонски разговор со канцеларката Меркел, во кој, како што соопшти Владата, било потврдено дека посетата на Северна Македонија што ја оствари грчкиот премиер Ципрас, како и заедничката владина седница, биле историски момент, и дека развојот на односите меѓу двете земји е позитивен пример за Западен Балкан и добра вест за Европа. Било речено дека спроведувањето на Договорот од Преспа потврдува оти дијалогот и дипломатијата креираат позитивни резултати за надминување на отворените прашања и може да донесат директна економска полза за граѓаните. Во тој разговор, премиерот Заев од канцеларката Меркел побарал поддршка во врска со одлуката за почеток на преговорите со Северна Македонија која треба да ја донесе Советот на ЕУ во јуни. Притоа потсетил дека дека државата има статус на земја кандидат за членство во ЕУ од 2005 година, и дека е време Советот на ЕУ да донесе позитивна одлука за отворање на пристапните преговори, што ќе биде дополнително охрабрување земјата да продолжи со реформите.

Повеќе:

Самит во Берлин: Македонија се бори за јуни, Меркел и Макрон туркаат кон септември

Меркел и Макрон го открија Западен Балкан - принудно!

Што очекува Србија во Берлин?

Зелено светло за Скопје

Во пресрет на мини-самитот во Берлин и еврокомесарот за проширување и соседска политика, Јоханес Хан, испрати порака дека Северна Македонија „јасно заслужи да добие зелено светло за отворање на пристапните преговори во најбрзиот можен термин - уште пред годинешната летна пауза“. Решавањето на спорот со Грција и постигнатиот Договор за добрососедство со Бугарија тој ги оцени како патоказни сигнали за целиот регион.

„Оваа земја веќе една деценија добива позитивна препорака од ЕК кога станува збор за отворање на преговорите за членство, но тоа не се случи поради спорот за името. Ако сега, по решавањето на тој триесетгодишен конфликт, и покрај постигнатите реформи земјата повторно биде разочарана, постои опасност од внатрешна дестабилизација со соодветните последици за регионот. Со други зборови, само со веродостојна политика ќе успее унапредувањето на процесот на реформи на Западен Балкан и зачувувањето на нашето влијание во регионот“, изјави Хан за агенцијата ДПА.

Eврокомесарот Јоханес Хан испрати порака дека Северна Македонија „јасно заслужи да добие зелено светло за отворање на пристапните преговори во најбрзиот можен термин - уште пред годинешната летна пауза“

Хан нема да присуствува на конференцијата во Берлин. Таму ќе биде високата претставничка за надворешна политика на ЕУ, Федерика Могерини. Иако е извесно дека Северна Македонија ќе  биде истакната како позитивен пример во регионот заради решениот спор со Грција, сепак, се проценува дека главна тема ќе бидат Србија и Косово. На конференцијата, покрај македонскиот премиер ќе присуствуваат претседателите на Србија, Косово и Црна Гора - Александар Вучиќ, Хашим Тачи и Мило Ѓукановиќ, премиерите на Албанија, Словенија и Хрватска - Еди Рама, Марјан Шарец и Андреј Пленковиќ, и претседавачот со Советот на министри на БиХ, Денис Звиздиќ.

Писмо со поддршка за Србија

Забелешки за овој состав на учесници има српскиот претседател Александар Вучиќ, кој за тоа говореше во синоќешното гостување на ТВ „Пинк“.

„Немам ништо против Шарец, напротив. Но зошто Шарец, а не Данчила? Зошто Пленковиќ, а не Орбан? Зошто не Борисов? Не е повикан Милорад Додик, кој доби најголем број гласови на граѓаните на БиХ на минатите избори, туку Звиздиќ. Со тој избор, јасно е дека нашата делегација ќе биде единствена што ќе зборува против независноста на Косово“, изјави Вучиќ.

Притоа откри дека за српската држава се заложиле токму оние кои не се повикани во Берлин - премиерите на Грција, Романија и Бугарија, земји - членки на квадрилатералата со Србија.

Српскиот претседател Александар Вучиќ има забелешки на изборот на учесници на самитот во Берлин

„Пријателите Ципрас, Данчила и Борисов испратија писмо до Mеркел и Макрон, во кое, секако, се заложија за стабилност на регионот, но посебно се заложија за побрзо пристапување на Србија во ЕУ. Јас им се заблагодарувам за тоа. Ова досега не ѝ беше познато на јавноста“, изјави Вучиќ.

Во пресрет на конференцијата во Берлин, институтот Европска инцијатива за стабилност (ESI), објави анализа во која се оценува дека „Eвропската унија би требало да ја затвори Пандорината кутија на разговори за повторно исцртување граници по должина на етничките линии. Истовремено, ЕУ треба да договори веродостојна стратегија како Србија, Косово и остатокот од Западен Балкан можат да непредуваат во интеграцијата“.

Во анализата има опсежни образложенија зошто се опасни идеите за размена на територии како решение за нормализација на односите меѓу Србија и Косово, а на ЕУ и се препорачува да ги отфрли таквите идеи. Во текстот се наведува дека Вучиќ има една реторика за меѓународните соговорници и друга за домашната јавност, а ЕУ мора да го предупреди за војнохушкачки изјави на негови министри.

Србија и Косово: 15 погледи на „внатрешниот дијалог“

Срспкиот „ѕид на плачот“

Српските граѓани веќе навикнаа на тоа зградата на парламентот да се порабува со лица на загинати и грабнати луѓе во „Вториот косовски бој“. Овој жичен ѕид е отстрануван повеќепати, но тој повторно се појавува како обвинување на сметка на Западот и албанските герилци.

Србија и Косово: 15 погледи на „внатрешниот дијалог“

Лицата обвинуваат

Лицата на киднапирани Срби од 1989/1999 година служат како главен аргумент за обвинувања на сметка на Северноатлантскиот Сојуз и Европската Унија.

Србија и Косово: 15 погледи на „внатрешниот дијалог“

Меѓу Косово и Крим

Моден детал со политички некоректна русофилска формула на белградската пешачка зона. Туристите од Запад радо го купуваат бизарниот сувенир.

Србија и Косово: 15 погледи на „внатрешниот дијалог“

Руска алтернатива

Борис Тадиќ во предизборната кампања во 2008 година го ифрли слоганот „И Косово и Европа“. Овој графит одговара на очекуван начин.

Србија и Косово: 15 погледи на „внатрешниот дијалог“

Таблоидите србуваат

Острите политички пароли на ѕидовите можеби станаа поретки затоа што сѐ повеќе врескаат насловите на таблоидните печатени производи.

Србија и Косово: 15 погледи на „внатрешниот дијалог“

Браќата Шпанци

Шпанскиот е популарен во Белград. Не толку во училиштата за странски јазици, колку во „Немањина“ улица, во близина на Министерството за надворешни работи.

Србија и Косово: 15 погледи на „внатрешниот дијалог“

Срце и аритмии

Додека еден белграѓанин се обидува да пронајде нешто корисно во отпадот, од ѕидот го бодри позната крилатица.

Србија и Косово: 15 погледи на „внатрешниот дијалог“

Кој не е со нас е против нас

Фудбалскиот сојуз на Србија попусто се бунеше против одлуката на УЕФА од мај 2016-та за прием на Косово како полноправна членка. Одлуката е конечна од почетокот на 2017-та.

Србија и Косово: 15 погледи на „внатрешниот дијалог“

ЕУ како империја

Космет всушност е кратенка (Косово и Метохија). Во зборот „Евробска“ се сокрила придавката „робска“.

Србија и Косово: 15 погледи на „внатрешниот дијалог“

Вдахновение во премин

Плод на патриотско-поетско вдахновение на ѕидот на премин меѓу главната и една споредна улица во Лексовац.

Србија и Косово: 15 погледи на „внатрешниот дијалог“

На КиМ со благослов

Дел од уличните призори во градовите се и повиците за обиколка на манастирите и на српските општини на Косово, со благослов на црковните власти.

Србија и Косово: 15 погледи на „внатрешниот дијалог“

Римување, некому стравување

Опомена за српската политичка елита, доколку некој случајно помислува на некаков вид признавање на косовската независност.

Србија и Косово: 15 погледи на „внатрешниот дијалог“

Урнатини кои опоменуваат

Своевиден споменик кој со својата наказност во градскиот пејсаж потсетува на бомбите кои во 1999 година ги испрати НАТО.

Србија и Косово: 15 погледи на „внатрешниот дијалог“

Албанци кои се сакаат

Актерската легенда Беким Фехиу од 2010 година (кога си го одзеде животот) не е меѓу живите белграѓани, но неговата книга и натаму е хит во излозите на белградските книжарници.

Србија и Косово: 15 погледи на „внатрешниот дијалог“

Трунка надеж

Повеќето графити на улиците сепак се тематски надвор од „внатрешниот дијалог“. Можеби најрадикалните пароли се преселени на социјалните мрежи.

Поврзана содржина

Северна Македонија | 12.06.2019

Празниот ден во календарот на Меркел

Северна Македонија | 14.06.2019

Психодрамата на Заев!

Следете нѐ