Бразилците самоуверено очекуваат реванш

​„Чувај се Германија, дојде и твојот час“, пејат навивачите на Бразил пред стадионот Маракана. Полуфиналето против Хондурас е завршено, популарниот Селесао победи со 6:0. Бразил игра за златен медал- единственото злато кое нешто значи- она во фудбалот. А уште е подобро, велат навивачите опиени со самодоверба, тоа што противник во финалето е Германија.

„Тука на Маракана, ние го водиме главниот збор, тука мораат да имаат респект пред нас, нека дојде само таа Германија.“

„Ќе ги победиме со многу голови разлика и така конечно ќе ја оставиме зад нас таа приказна со Германија.“,

А таа приказна, катастрофалниот пораз од 7:1 во полуфиналето на Светското првенство 2014. против Германија, сите во Бразил сакаат што побрзо да ја заборават.

Сепак, постои уште едно проклетство кое го следи Бразил на Олимпијадите. Трипати популарниот Селесао беше во финале и три пати загуби. Домаќините се надеваат дека на легендарната Маракана овој пат ќе биде поинаку.