Буто првпат побара оставка од Мушараф
13 ноември 2007Реклама
Лидерот на опозицијата во Пакистан Бензир Буто го повика претседателот Первез Мушараф да поднесе оставка на функцијата. Таа ова го изјави во телефонско интервју бидејќи веќе седум дена властите ја држат во домашен притвор. Буто инаку требаше да го предводи за денеска најавениот марш на опозицијата од градот Лахоре до Исламабад. Ова е прв пат Буто јавно да побара оставка од Мушараф. Инаку пакистанските властите во последните 24 часови уапсиле 1500 приврзеници на опозицијата, која бара укинување на воената состојба во земјата.