Буш – Судан

Американскиот претседател Џорџ Буш сака да го зголеми притисокот врз владата на Судан поради нерешениот конфликт во покраината Дарфур. Според информации од Белата куќа, Буш планира нови економски санкции против владата во Картум, како и нова резолуција на Советот за безбедност со која таа ќе биде принудена да се откаже од отпорот кон напорите на меѓународната заедница за прекинување на конфликтот во Дарфур. Мерките ќе бидат објавени денеска и веднаш ќе стапат на сила.