Буш ја повика Русија да не стравува од антиракетниот штит

Американскиот претседател Џорџ Буш денеска повторно ја повика Русија да не гледа закана во планираното инсталирање на антиракетен штит во Европа. По разговорите со неговиот чешки колега, Вацлав Клаус во Прага, Буш изјави дека „времето на студената војна помина и Путин нема од што да се плаши“. Според буш антиракетниот систем треба да биде заштита од евентуални ракети од Иран. Чешката влада го поддржува проектот, но не и локалното население кое на референдум се изјасни против.

Инаку попладне Буш патува во Германија каде ќе учествува на самитот на Г8 во Хајлигендам. Полициицјат соопшти дека се е подготвено за посетата на американскиот претседател. По насилните демонстрации од деновиве ситуацијата во Росток е мирна, но тензична.