Вашингтон врши притисок врз ирачката влада

Американскиот министер за одбрана Роберт Гејтс повторно го повика ирачкото државно раководство , што е можно побргу да преземе поголема одговорност за безбедноста во сопствената земја. Американските трупи нема вечно да останат во Ирак а политичкото трпение во Вашингтон не е бесконечно- изјави Гејтс за време на ненадејната посета на Багдад. Ирачкиот премиер Нури Ел Малики најави дека до крајот на годината ирачките сили ќе преземата драматично поголема одговорностa за безбедноста во земјата.