1. Прескокни до содржината
  2. Прескокни до главната навигација
  3. Кон други страници на DW

Венизелос: Географска одредница и „ерга омнес“

БГ/миа23 септември 2013

Шефот на грчката дипломатија Венизелос по средбата со генералниот секретар на ОН, Бан во Њујорк уште еднаш ја повтори позицијата на неговата земја во спорот за името.

https://p.dw.com/p/19mR5
Фотографија: picture-alliance/dpa

Националната позиција на Грција за името е јасна - име со географска одредница за севкупна употреба, изјави шефот на грчката дипломатија Евангелос Венизелос во Њујорк, по средбата со генералниот секретар на Обединетите нации Бан Ки-мун. Нагласувајќи оти Бан Ки-мун добро ги знае позициите на Атина за спорот со Скопје, според Венизелос, ваквото решение ќе и помогне на Македонија да има евроатлантска перспектива што е многу важно за Грција, која, истакна, сака стабилност во регионот на Западен Балкан.

„Ние поддржуваме заеднички прифатливо сложено име со географска одредница, кое ќе биде за севкупна употреба – ерга омнес. Тоа е конечно, јасно, функционално решение. На овој начин и соседната земја ќе биде во можност да ја најде својата европска перспектива, што е многу важно и за неа и за нас, зашто сакаме целиот Западен Балкан да ја најде заедничката перспектива, нешто што е стабилизирачки фактор во нашиот регион. Ќе ја понудиме сета расположива помош. Ние сме големи инвеститори, голем сосед кој, со чувство на пријателство, може да помогне, секако само доколку постои добра волја, добрососедство и почитување на меѓународното право, изјави Венизелос.

Во соопштението од канцеларијата на генералниот секретар стои дека соговорниците размениле мислење за перспективите за решавање на спорот за името, вклучително и исходите од неодамнешната посета на посредникот Метју Нимиц. За денеска во Њујорк е најавена средба на еврокомесарт за прширување Штефан Филе со медијаторот на ОН во разговорите за името Метју Нимиц. Се уште не се знае дали во Њујорк, на маргините на Генералното собрание на ОН ќе има средба меѓу македонски и грчки државни претставници.