Вен Џијабао говореше во јапонскиот парламент

Кинескиот премиер Вен Џијабао во говорот пред јапонскиот парламент зборуваше за потесна соработка меѓу двете земји. Тој побара и да се надминат разликите во мислењата меѓу двете земји. и додаде дека и кинескиот и јапонскиот народ се жртви на Втората светска војна. Ван нагласи дека Кина го цени извинувањето од Јапонија, но раководството во Токио треба тоа да го покаже и преку дела. Говорот на Вен, е прв говор на кинески лидер по дваесет години во јапонскиот парламент. Претходно Вен и неговиот домаќин, јапонскиот премиер Шинцо Абе разговараа за тесна соработка во економијата, енергетскиот сектор и заштитата на климата.