1. Прескокни до содржината
  2. Прескокни до главната навигација
  3. Кон други страници на DW

Владата во Тунис ги обвини салафистите за тероризам

СН/БГ/миа/дпа/ртр/ап20 мај 2013

Еден човек загинал а 15 се ранети во вчерашните судири меѓу приврзаниците на радикалното исламистистичко движење „Ансар ал Шарија“ и безбедносните сили во Тунис.

https://p.dw.com/p/18ar4
Фотографија: picture alliance/AP Photo

По судирите на приврзениците на салафистичкото движење „Ансар ал Шарија“ и туниските безбедносни сили, владата на Тунис за првпат ги обвини салафистите за вмешаност во терористички активности. Организацијата „Ансар ал Шарија“ (Заштитници на Шеријатот) е вклучена во тероризам, изјави тунискиот премиер Али Ларајед за државната телевизија. Приврзениците на салафистичкото движење на повеќе места во земјата влегоа во судири со безбедносните сили. Најмалку едно лице загинало а 15 други се повредени во безредијата во недела во главниот град Тунис и во градот Кајруан во централниот дел од земјата , кои беа предизвикани од забраната на властите за оддржување на конгрес на исламистичкото движење, на кое веќе подолго време му се припишуваат тесни врски со интернационалната терористичка мрежа Ал каеда.

Според либиските медиуми, загинатиот е млад поддржувач на радикалниот ислам, кој загинал во судирите во Ат-Тадамун, предградие на престолнината Тунис. 11 од 15-те повредени лица се припадници на полицијата. Во вечерните часови туниското министерство за внатрешни работи соопшти дека воспоставило целосна контрола на ситуацијата во областите во кои се случија судирите.