1. Прескокни до содржината
  2. Прескокни до главната навигација
  3. Кон други страници на DW

Воз полн со нафта ескплодираше во гратче во Канада

ЕМФ/афп7 јули 2013

Воз без машиновозач полн со нафта влета во центарот на мало канадско гратче. Потврдена е смртта на најмалку едно лице, но се стравува дека бројот на загинати ќе биде голем. Како исчезнати се водат најмалку 80 луѓе.

https://p.dw.com/p/193L4
Фотографија: François Laplante-Delagrave/AFP/Getty Images

Возот експлодираше во малото гратче Лак-Межантик. Во времето на несреќата во еден бар во местото, од кој не е останато ништо, имало најмалку 50 луѓе. Спасувачките екипи работат со полна брзина. Портпаролот на полицијата Мишел Брунет ја потврди смртта на едно лице, но рече дека се претпоставува оти бројот на загинати ќе се зголемува.

Огнот по експлозијата на возот без машиновозач не е изгаснат ни по 20 часа од несреќата. Во гратчето се уништени околу 400 куќи. Евакурани се околу 2 илјади, од вкупно 6 илјади жители на местото.

Причините за несреќата се‘ уште не се познати. Портпарол на фирмата Монтреал Мејн и Атлантик, Кристоф Журне, за агенцијата АФП изјави дека возот се наоѓал првично во соседното место Нант, на околу 13 километри западно од Лак-Межантик, поради промена на персоналот. И покрај тоа што сопирачките биле активирани, возот одеднаш почнал да се движи во насока на Лак-Межантик. Според железницата, возот имал 72 вагони полни со нафта од американската сојузна држава Северна Дакота.

Zugunglück Kanada Quebec Explosion
Огнот не е изгаснат ни 20 часа по несреќатаФотографија: François Laplante-Delagrave/AFP/Getty Images

Сведоци зборуваат за најмалку шест експлозии што се слушнале откако возот влетал во центарот на гратчето. Канадскиот премиер Штефен Харпер изјави дека е шокиран од несреќата и на семејствата на жртвите им изрази сочувство.