Волшебна привлечност на пролетта во Бон

Бонската улица Херштрасе е позната во светот по убавината на јапонските црешови дрвја. На интернет ја сметаат за една од најубавите алеи во светот, во сите форуми за црешови цветови објавуваат нејзини слики. Многу туристи ги следат известувањата на интернет-блогот за оваа улица за навреме да дојдат во Бон и да го доживеат тоа лично.

Тесните бонски улици во стариот град и без црешовите цветови се омилена цел на туристите. Латерните од лиено железо, уличната калдрма, куќите во класичен стил, се' е - чиста романтика.

Цветот на јапонската цреша е многу чувствителен. Првите пупки се појавуваат само под тешките гранки. Дожд - не трпат. А ако температурата навечер многу се намали, цветот може да остане трајно оштетен.

Во стариот град во Бон не е тешко да се најде мотив за разгледици. Притоа јапонските црешови дрва тука се насадени дури во 80-тите години.

Денес во оваа алеја се вадат мобилините телефони и фотографиите од цутењето на црешите се испраќаат на роднините и на пријателите во белиот свет. А оние кои сакаат можат да ги пратат и на некој од блоговите посветени на овој феномен

Иако околните улици одамна се претворени во едносмерни, луѓето кои ги фотографираат розовите крошни постојано прават застој бидејќи ги сликаат од улиците. Стариот римски споменик добро им се наоѓа како статив.

За среќа, старите црешови дрва се потсечени многу високо, така што посетителите не можат да наберат „сувенири“.

Овие четири студентки дојдоа од соседниот Келн да се фотографираат во алејата на црешовите цветови. И тие се воодушевени од романтичниот амбиент кој сакаат да го поделат со своите истомисленици на Фејсбук.

Сега сите се надеваат дека навечер нема да биде многу ладно- бидејќи тогаш розовите цветови потемнуваат.