Во Турција уапсена жена со пет килограми експлозив

Во градот Адана во јужна Турција денеска е приведена жена со пет килограми експлозив. Моќта на одземениот експлозив е еднаква на експлозивната направа која беше вчера активирана од атентатор самоубиец во Анкара. Во земјата се зголемени безбедносните мерки по атентатот пред трговски центар во кој загинаа шест лица, а над стотина беа повредени. Градоначалникот на Анкара денеска соопшти дека напаѓачот е идентификуван. Во нападот биле употребени четири килограми пластичен експлозив, кој според турските медиуми во земјата бил внесен од курдските сепаратисти, за кои постои сомневање дека го организирале.