1. Прескокни до содржината
  2. Прескокни до главната навигација
  3. Кон други страници на DW

Германец обвинет за 37 случаи на подметнување пожар во Лос Анџелес

5 јануари 2012

По серијата пожари во Лос Анџелес, обвинителството на американската сојузна држава Калифорнија поднесе прелиминарно обвинение за подметнување пожар во 37 случаи против 24-годишен Германец.

https://p.dw.com/p/13eaC
Фотографија: Bilderbox

Германецот Хари Буркарт се товари за 28 подметнувања на пожар во ненаселени локации и 9 случаи на подметнување пожар во населени објекти, соопштија властите по првото судско сослушување. 24-годишното момче е осомничено за подметнување на повеќе од 50 пожари, во кои биле предизвикани штети во вредност од повеќе од 3 милиони долари. Се претпоставува дека обвинетиот ги извршил делата за да го искаже својот гнев против американските служби за доселување. Младиот Германец беше уапсен во понеделникот и оттогаш наваму одбива да соработува со истрагата. Серијата од пожари предизвика голема вознемиреност во Лос Анџелес и пред се’ во Холивуд во пресрет на Новата година и непосредно потоа.

Автор: СН/ ЕМФ/ дпа/ дапд/ афп

Редактор: Александра Трајковска