Германија - дроги

Бројот на жртвите од дрога во Германија минатата година бил најнизок од 1989 година наваму. Според актуелниот извештај на ополномоштеникот за прашањето на дрогите, Сабине Бецинг, од консумирање дроги минатата година починале 1 296 лица, што е намалување од 2,3%. Бецинг истовремено предупреди дека се зголемува консумирањето алкохол и дека проблемот не треба да се минимизира. Во земјата има 1,6 милиони зависници од алкохол и исто толкав број луѓе кои од консумирањето на алкохолот имаат загрозено здравје.