Германија: Преку еден милион корона-инфицирани

Вкупниот брј на досега официјално потврдени инфекции со коронавирус во Германија, според податоците на Институтот Џонс Хопкинс од Балтимор, ја премина границата од еден милион – 1.004.898, а бројот на смртни случаи поврзани со Ковид-19 се искачи на 15.413. Со тоа, просечно секој 80. жител на земјата веќе бил инфициран со Сарс-КоВ-2.

Податоците на американскиот институт се актуелизираат почесто и по правило покажуваат повисоки бројки од официјалните на Светската здравствена организација или од оние во одделните земји.

Повеќе на темата:

Германија го продолжува и го заострува „локдаунот“

Германија има што да научи од други земји во корона-кризата

Корона-вакцина за помалку од едно евро

Германската политика со апел до граѓаните: Ве молиме, без приватни прослави

Но, кратко подоцна се јави и германскиот Институт Роберт Кох од Берлин, потврдувајќи го несаканиот рекорд – еден милион инфекции досега, дури овде бројката е и нешто повисока. Од почетокот на пандемијата Институтот Роберт Кох има податоци за вкупно 1.006.394 регистрирани инфекции со Ковид-19. Статистиката на Институтот вели дека преку 676.000 луѓе во меѓувреме се излекувани, а бројот на смртни случаи изнесува 15.586. Во текот на последните 24 во Германија има дури 426 смртни случаи поврзани со коронавирус, тоа е највисока дневна вредност од почетокот на пандемијата до денес, „рекордот" инаку беше во средата – 410 починати лица.

Првите инфекции со коронавирус во Германија беа докажани на крајот на јануари кај баварската фирма Вебасто, а потоа од крајот на февруари вирусот се прошири низ целата земја. По првиот бран, есенва низ земјата се шири и втор бран на коронавирусот со константно релативно висока дневна бројка на новоинфицирани, за денеска таа изнесува 22.806.