Германски топ десет
14 декември 2009
1. The Black Eyed Peas - Meet Me Halfway
The Black Eyed Peas најавуваат дека цела 2010 година ќе ја поминат на турнеја, а пејачката Fergie за весникот „Космополитен“ изјави дека едвај чека турнејата да помине, за да може да им се посвети на домашните обврски и раѓањето дете. Таа е во брак со актерот Josh Duhamel, познат по улогата во филмовите Transformers.
2. Aura Dione - I Will Love You Monday
3. Lady GaGa - Bad Romance
Во текот на минатата недела, Lady GaGA настапи пред британската кралица, а пред настапот имаше можност дури и да се поздрави со неа. Сепак, организаторите ја предупредиле пејачката дека овојпат мора да биде пристојна и да не и` паѓа на памет да ја изведе сцената со самоубиството, што беше дел од настапот на доделувањето на музичките награди на MTV. Lady GaGa се придржуваше до прописите, нагласувајќи дека е „голем обожавател на британската кралица“.
4. Ich+Ich - Pflaster
Бендот со еден од најуспешните германски поп-албуми во последниве години оваа пролет се подготвува за голема турнеја, што ќе опфати градови во Германија и Австрија. На концертите фановите ќе можат да ги слушнат најголемите хитови на бендот од претходните албуми, како на пример Stark или So soll es bleiben, но се разбира ќе можат во живо да се доживеат и сингловите од новиот албум, Gute Reise.
5. Rihanna - Russian Roulette
6. Timbaland feat. Nelly Furtado & SoShy - Morning After Dark
На 4 овој месец продуцентот Timbaland го издаде новиот албум Shock Value II, на кој повторно на едно место ги собра најпопуларните ѕвезди во моментов, како на пример Justin Timberlake, Katy Perry, Miley Cyrus, The Fray, пејачот од Nickelback, Chad Kroeger и бендот OneRepublic. Во првиот сингл од албумот, Morning After Dark, соработува со Nelly Furtado и SoShy.
7. Culcha Candela - Monsta
Се работи за поп/денсхол состав од Берлин, формиран во 2001 година. Членовите на бендот се од различно потекло, па на нивните албуми можат да се слушнат текстови на англиски, германски и шпански, а оваа година го издадоа албумот Schöne neue Welt.
8. OneRepublic - Secrets
9. Gossip - Heavy Cross
10. Robbie Williams - Bodies
Robbie Williams по три годишна музичка пауза се врати на музичкaта сцена со нов албум, но и нова девојка, Ayda Field. Иако тие двајцата се` уште не се верени, во една емисија на австралијанското радио, Robie и` ја побара раката на Ayda, на што таа веднаш одговори со „да“. Сепак, портпаролот на пејачот непосредно по емисијата соопшти дека се работело за шега, а и самиот Robbie Williams го потврди ова на својот интернет-блог.
Извор: Мedia control GfK