Гутереш: Сѐ што ни е важно, зависи од мирот

Новиот генерален секретар на ОН Антонио Гутереш сака 2017. да биде година на мирот.

„Да ја направиме 2017. година во која мирот ќе биде највисокиот приоритет, во која сите ние ќе се потрудиме да ги надминеме разликите во нашите мислења. Мирот треба да биде наша цел и наше животно правило",порача Гутереш во новогодишното обраќање.

На првиот ден по стапувањето на челната функција на ОН, тој го истакна прашањето кое му лежи на срце: „Како да им помогнеме на милионите луѓе кои се заробени во конфликти и страдаат во војни чиј крај не е на повидок?" Генералниот секретар на ОН повика на надминување на разликите во мислењата, на заклучување примирје на боиштата и компромиси на преговарачките маси. „Сѐ кон што ние стремиме како човештво, достоинство и надеж, напредок и благосостојба, зависи од мирот".

Гутереш, кој десет години беше на чело на УНЦХР, Организацијата на ОН за бегалци, а претходно португалски премиер, од почетокот на оваа година застана на чело на ОН,наследувајќи го Бан Ки Мун, кој беше генерален секретар на ОН од 2007. година. Антонио Гутереш важи за искусен, отворен, човек кој зборува повеќе јазици и - човек од акција. За разлика од Јужнокореанецот Бан, од Гутереш се очекува поголема иницијативност во однос на најгорливите конфликти во светот. На новата функција тој ќе се соочува со огромни предизвици. Конфликтот во Сирија е само еден од нив.

Кои се кандидатите за шеф на ОН?

Спорна: Ирина Бокова

Кандидатка со големи изгледи е Бугарката Ирина Бокова, која од 2009. е директорка на агенцијата на ОН за култура УНЕСКО. Потекнува од комунистичката елита, студирала на московскиот државен Институт за меѓународни односи, како и шефот на руската дипломатија Лавров. Силните врски со Кремљ би можеле да ѝ помогнат. Русија и онака се залага нов генерален секретар на ОН да биде некој од Источна Европа.

Кои се кандидатите за шеф на ОН?

Ценета: Хелен Кларк

Се верува исто така дека по 70 години постоење на ОН е редно генерален секретар да стане некоја жена. Затоа силна кандидатка е Хелен Кларк, шефицата на развојните програми на ОН. Таа не сака да биде во предност само затоа што е жена, туку „жените да имаат фер шанса“ за секоја водечка функција. Лидерско искуство има собрано како премиерка на Нов Зеланд од 1999. до 2008.

Кои се кандидатите за шеф на ОН?

Либерална: Весна Пусиќ

Хрватска ја номинираше својата поранешна шефица на дипломатијата Весна Пусиќ. Таа е пратеничка од 2000. година, а во 2009. безуспешно се кандидираше за претседателка на Хрватска. Пусиќ во седумдесетите години од минатиот век беше меѓу основачките на првата феминистичка група во Југославија, а во 1990. година учествуваше во основањето на левичарско-либералната Хрватска народна партија.

Кои се кандидатите за шеф на ОН?

Амбициозна: Наталија Герман

Поранешната министерка за надворешни работи и потпретседателка е помалку позната од своите конкурентки. Но Наталија Герман исто така има искуство во повеќе агенции на ОН. Во своето мотивациско писмо наведува: „Без оглед дали станува збор за борба против гладот и војната, заштита на правата на сите или спас на нашата планета - ефикасни Обединети Нации никогаш не биле толку важни како денес“.

Кои се кандидатите за шеф на ОН?

Познат: Антонио Гутереш

Антонио Гутереш до крајот на минатата година беше комесар на ОН за бегалци и тука го затекна мамутска задача. Неговиот мандат, без негова вина, заврши со тажен рекорд - официјално во бегство се 60 милиони луѓе во светот. Како претседавач со Советот на ЕУ беше еден од двајцата претседавачи на првиот самит ЕУ-Африка. Гутереш од 1996. до 2002. година беше премиер на Португалија.

Кои се кандидатите за шеф на ОН?

Уметнички: Срѓан Керим

Поранешниот шеф на македонската дипломатија Срѓан Керим меѓу другото беше и амбасадор на својата земја во Германија. Беше и претседател на Генералното собрание на ОН во 2007. и 2008. година. Во своето кандидатско писмо тој истакнува дека е потребно да се јакне суверенитетот на индивидуата и оти во фокусот треба да се врати човековото достоинство. Керимови страсти се поезијата и фотографијата.

Кои се кандидатите за шеф на ОН?

Перспективен: Игор Лукшиќ

Најмлад меѓу кандидатите е Игор Лукшиќ. Со неполни 40 години, тој зад себе има голема кариера во Црна Гора. Уште во 2004. година беше министер за финансии, а во 2010. стана и премиер. Припаѓа кон најжестоките заговарачи на евроатлантската интеграција на Црна Гора. Одмор од тешката политика и тој бара во поезијата. Неодамна објави нова збирка под наслов „Книга на стравот“.

Кои се кандидатите за шеф на ОН?

Искусен: Данило Тирк

Поранешниот словенечки претседател Данило Тирк (2007-2012) поголем дел од кариерата има минато во Њујорк отколку во Љубљана. Од 1992. година цели осум години беше амбасадор на Словенија во ОН. Потоа тогашниот генерален секретар Кофи Анан го повика за свој политички асистент. Овој правник важи за борец за почитување на човековите права посебно во вооружени конфликти.

Кои се кандидатите за шеф на ОН?

Испробан: Вук Јеремиќ

Поранешниот министер за надворешни работи на Србија и претседател на генералното собрание на ОН конечно доби официјална поддршка од неговата земја за кандидатурата. Во февруари 2013. година исклучен е од Демократската партија и оттогаш не е политички активен во Србија. Иако е западен ученик-студирал на Кембриџ и Оксфорд- Јеремиќ би можел да ужива поддршка од Русија во Советот за безбедност на ОН.



Следете нѐ