Ден на жалост во Македонија поради смртта на Тоше
17 октомври 2007Реклама
Денеска во Македонија е ден на жалост поради смртта на најпопуларниот поп пеач Тоше Проески. Тој со највисоки државни почести ќе биде погребан денеска во родното Крушево. Веста за смртта Тоше е меѓу главните теми во медиумите на Балканот. Хрватските обожаветели се шокирани и тажни поради смртта на Тоше, а несреќата во која тој загина е меѓу ударните вести во тамошните медиуми. За популарноста на големата ѕвезда сведочат и бројните коментари и изрази на сочуство од неговите обожаватели објавувани на интернет порталите. Веста за загинувањето на Тоше ја објавија и најголемите светски новински агенции нарекувајќи го една од најголемите балкански ѕвезди. Популарноста на Тоше се поистоветува со онаа на Елвис Присли во Америка.