Десетици жртви во поплавите во Јапонија

Јапонскиот премиер Шинзо Абе оцени дека состојбата е „екстремно сериозна“. Додека локалните власти зборуваат за 20 жртви, медиумите јавуваат за 46 загинати и 48 исчезнати лица.

Стотици куќи се оштетени, а во акција на спасување се илјадници луѓе. Властите наредија евакуација на 1,9 милиони жители на регионот на западот на Јапонија.

Во регионот погоден од невремето се наоѓаат големите градови Фукуока, Нагасаки и Хирошима.