Директен избор на турски претседател

Турскиот парламент на првото читање за измена на уставот се изјасни за тоа шефот на државата во иднина директно да биде биран од народот а не повеќе од парламентот. Освен ова треба да биде намален мандатот од сегашните 7 на 5 години. Пратениците целиот пакет измени на законот треба да го усвојат во рок од три дена. Иницијативата за директен избор на претседател потекнува од премиерот Реџеп Таип Ердоан и неговата конзервативна партија.

Кризата од последниве денови во Турција, предизвикана со кандидатурата на Абдула Ѓул за претседател и анулирањето на неговиот избор од страна на уставниот суд, не смее да се рефлектира врз преговорите за пристап во ЕУ, смета европскиот комесар за проширување Оли Рен.