Дишењето убива

Кога зимата ќе пристигне во Западниот Балкан, градовите се обвиени од смог, тешко се дише, а видливоста е едвај неколку метри. Но годинава, степенот на загаденост е највисок во светски рамки, а јавниот бес расте.

Во последниве неколку денови главните градови на БиХ, Македонија и Косово беа на врвот на светските листи на најзагадени градови. Смогот се интензивираше поради густиот сообраќај, масовното користење јаглен, лошото просторно планирање и греењето на дрва.

Во вторникот индексот на квалитетот на воздухот во Сараево достигна 383, што е најмалку 10 пати повисоко од просекот. Во Приштина беше регистриран индекс од 415. Слично беше и во Скопје и во други македонски градови.

Според Светската здравствена организација (СЗО), загадувањето ја чини БиХ околу една петтина од нејзиниот годишен БДП - или околу 3,9 милијарди долари - во загубени работни часови и школски денови, здравствена заштита и трошоци за гориво.

Македонија губи околу 3,2 проценти од својот годишен БДП поради загадувањето, или во бројки околу 360 милиони долари годишно.

Природа и животна средина | 01.12.2018

Според СЗО, 230 босански државјани на секои 100.000 умираат годишно од загадување, во споредба со 0,4 во Шведска. Светската банка проценува дека околу 1.350 Македонци умираат годишно како последица на загадувањето на воздухот.

Смог над Балканот

Опасна зима

Видливоста изнесува само неколку метри. Сараево, главниот град на Босна и Херцеговина, веќе со денови е обвиткан со смог. За тоа не е виновен само густиот сообраќај. Многу жители се греат на јаглен и дрва- состојбата е особено критична во зима.

Смог над Балканот

Неповолна географска позиција

Сараево лежи во долина меѓу бројни ридови и тука воздухот далеку побавно се обновува. Според Светската здравствена организација загадувањето ја чини БиХ околу 3,9 милијарди долари годишно.

Смог над Балканот

Смрт поради загадување

Според податоците на македонските власти, годишно во земјата умираат околу 1.300 луѓе поради загадениот воздух. Особено е критична состојбата во Скопје.

Смог над Балканот

Предупредувањата на активистите

Македонските невладини организации со години наназад предупредуваат дека загадувањето на воздухот во Скопје во текот на 269 денови годишно е над нормалата. Слично како Сараево и Скопје се наоѓа во котлина, што го олеснува задржувањето на смогот.

Смог над Балканот

Старите термоелектрани- големи загадувачи

Според Европската банка за обнова и развој, термоелектраните како оваа во Обилиќ, во близина на косовскиот главен град Приштина, се меѓу најголемите загадувачи на воздухот во регионот.

Смог над Балканот

„Дишењето убива“

Во Приштина минатата година беа одржани демонстрации за чист воздух. На некои транспаренти пишуваше „Breathing kills“ – „„Дишењето убива“, со алузија на натписите на кутиите цигари. Во зимските месеци жителите на Приштина имаат големи проблеми со смогот.

Смог над Балканот

Драматични споредби

Поради високата загаденост на воздухот во Софија, ситуацијата во градот е „опасна како во Чернобил“, напиша поранешниот бугарски министер за надворешни работи Соломон Паси на Твитер. Тој му се обрати на премиерот со зборовите: „Итно ни се потребни мерки како заштитни маски во аптеките и училиштата“.

Поврзана содржина

Северна Македонија | 25.05.2019

Дебели балкански лаги

Северна Македонија | 07.05.2019

Папата Франциско одблизу

Следете нѐ